«Самұрық-Қазына» АҚ Басқармасы 2016 жылғы 18 сәуірдегі отырысында «ҚазМұнайГаз» ҰК» АҚ-ға қатысты корпоративтік шешім қабылдады.

«Самұрық-Қазына» АҚ Стратегия және актив қоржындары жөніндегі басқарушы директоры-Басқарма мүшесі Балжит Грюал «ҚазМұнайГаз» ҰК» АҚ Директорлар кеңесінің құрамына енгізілді.

Сонымен қоса, Үкіметпен өзара іс-қимыл жөніндегі басқарушы директор Нұрлан Рахметовтың «Самұрық-Қазына» АҚ мүдделерінің өкілі ретіндегі «ҚазМұнайГаз» ҰК» АҚ Директорлар кеңесіндегі өкілеттігі мерзімінен бұрын тоқтатылды.

Балжит Грюал «Самұрық-Қазына» АҚ-ына қызметке келгенге дейін Kuwait Investment Authority кувейт ұлттық әл-ауқат қорының Kuwait Finance House инвестициялық еншілес ұйымында басқарушы директор болған. Банктер мен қаржы компанияларында басшылық қызметтер атқарған және ұлттық әл-ауқат қорларын дамыту стратегиясы, дамушы және жаңа нарықтар  саласында тәжірибесі бар. Жетекші әлемдік жоғары оқу орындарының, соның ішінде Ұлыбританиядағы Executive МВА Кембридж университетінің ғылыми дәрежесіне ие.