Тараптар бірлескен жобаларды, соның ішінде Атырауда қуаттылығы жылына 500 мың тонна болатын полипропилен өндіретін зауытты іске қосу жайын талқылады.

Сонымен қатар, полиэтилен өндіру жобасын іске асырудың келесі кезеңдері қарастырылды.
Қазіргі кезде жобалық құжаттаманы әзірлеу аяқталып, қаржыландыру көздерін қарастыру жұмыстары жүргізілуде.

Нұрлан Жақыпов «СИБУР» компаниясын ұзақмерзімді стратегиялық әріптес ретінде қарастыратынын атап өтті. Себебі, компанияның тәжірибесі мол әрі тұрақты, болашақ өнімді өткізу мәселелері жолға қойылған.

СИБУР - Шығыс Еуропадағы ең ірі мұнай-химия холдингі. Кәсіпорын халықаралық нарықта мұнай-химия өнімдерін екі бизнес-сегментте өндіреді және сатады, атап айтқанда олефиндер мен полиолефиндер (полипропилен, полиэтилен, БОПП және т.б.), сондай-ақ пластмассалар, эластомерлер және аралық өнімдер (синтетикалық каучуктар, полистирол көбік, ПЭТ және т. б.).