«Самұрық-Қазына» АҚ басқарма төрағасы Нұрлан Жақыпов американдық Amazon Kuiper компаниясының жаһандық операцияларының жетекшісі Джеф Кицманмен (Kietzmann) кездесті.

Amazon Kuiper жобасы - бұл Amazon компаниясының шалғай және жету қиын аймақтарда жоғары жылдамдықты интернетті қамтамасыз ету үшін жаһандық спутниктік желіні құру бастамасы.

Тараптар ынтымақтастық мүмкіндіктерін талқылады.

Amazon - бұл электрондық коммерция платформалары мен жалпыға қолжетімді бұлтты-есептеу нарықтарындағы кірістер мен нарықтық капиталдандыру бойынша әлемдегі ең ірі компания. Штаб-пәтері Сиэтлде орналасқан.