Қазақстан-Германия бизнес-форумы аясында Қор «Siemens» компаниясымен стратегиялық келісімге қол қойды.

Ол Қазақстан аумағында өлшеу техникасын, өндірісті автоматтандыру құралдарын, электр жабдықтарын кезең-кезеңімен жергіліктендіруге бағытталған.

Құжатқа Германия канцлері Олаф Шольцтің Қазақстанға ресми сапары барысында қол қойылды.

Келісім аясында:

• өндірісті жергіліктендіру үшін жабдықтар мен материалдарды жеткізу
• Қазақстан аумағында бірлескен өндірісті құру
• кадрларды оқыту және тағы басқа көзделген.

Siemens AG («Siemens» ЖШС құрылтайшысы) — электр техникасы, электроника, энергетикалық жабдықтар, көлік, медициналық жабдықтар мен жарықтандыру техникасы салаларында жұмыс істейтін, сондай-ақ өнеркәсіп, көлік және байланыстың түрлі салаларында мамандандырылған қызметтер көрсететін неміс конгломераты.