Астанада «Самұрық-Қазына» қорының басқарма төрағасы Нұрлан Жақыпов пен «Abu Dhabi Commercial Bank» аға банкирі, ADCB Islamic (Қазақстан) директорлар кеңесінің төрағасы Фарух Абдулрахман әл-Марзукидің кездесуі өтті.

Тараптар мұнай-химия, мұнай-газ саласы, көлік және логистика салаларындағы бірқатар жобаларды жүзеге асыруға қатысты ынтымақтастық мәселелерін талқылады.

Кеше Акордада Абу-Даби Тақ мұрагерінің Қазақстанға сапары аясында бірқатар құжаттарға қол қойылды. Нұрлан Жақыпов пен Фарух Абдулрахман әл-Марзуки өзара түсіністік туралы меморандумға қол қойды.

Құжат Қор мен ADCB арасындағы жобаларды қаржыландыру саласындағы негізгі ынтымақтастық бағыттарын айқындайды.