Кездесуде Жақыпов елшіні Қазақстандағы дипломатиялық миссиясының басталуымен құттықтап, оның тәжірибесі мен біліктілігі екі ел арасындағы ынтымақтастықты нығайтуға септігін тигізетініне сенім білдірді. Тараптар серіктестіктің перспективаларын талқылады.

«Самұрық-Қазына» Италияның бірқатар ірі компанияларымен белсенді жұмыс істейді:

• Мысалы, Eni компаниясы Қазақстанның мұнай-газ саласындағы стратегиялық серіктесі, 25 жылдан астам бірлесе жұмыс істеп келе жатыр. Ол «ҚазМұнайГаз» ұйымымен бірге Маңғыстау облысында гибридті электр станциясы жобасын жүзеге асыруда.
• Ansaldo Energia компаниясы Алматыдағы ЖЭО-3-ті жаңғырту аясында газ турбиналарын жеткізеді. 
• Maire Tecnimont компаниясымен мұнай-газ химиясы саласында серіктестік орнатылған.