Қыркүйек айында Астанада Болат Жәмішевтің төрағалығымен «Самұрық-Қазына» қорының Қоғамдық кеңесінің кезекті отырысы өтті. Күн тәртібінде – «Келешек мектептері» ұлттық жобасы.

Аталған жоба Мемлекет басшысының тапсырмасы бойынша мектеп инфрақұрылымындағы оқушы орындарының тапшылығын, апатты мектептер мен үш ауысымды оқу мәселелерін шешу мақсатында іске асырылуда.

Кездесу барысында кеңес мүшелері, сарапшылар және қоғам өкілдері отандық өндірушілерді қолдау, мүмкіндігі шектеулі адамдар үшін инфрақұрылымның қолжетімділігі және өзге де маңызды бағыттар бойынша толық түсініктемелер алды.

Сонымен қатар бірқатар сұрақтарға толық жауап берілмеді, осыған байланысты кеңес мүшелері «Samruk-Kazyna Construction» АҚ-на осы мәселелер бойынша қосымша ақпарат дайындауды тапсырды.

Жауаптар қосымшадағы құжатта берілген.