Мемлекет басшысының Жапонияға ресми сапары аясында Токио қаласында «Самұрық-Қазына» басшысы Нұрлан Жақыпов Japan Organization for Metals and Energy Security (JOGMEC) ұйымының президенті Дайто Митио және вице-президенті Хироси Куботамен кездесті.

Кездесу барысында JOGMEC-тің Жапонияның ресурстық қауіпсіздігін қамтамасыз етудегі негізгі рөлі аталып, Қазақстандағы инвестициялық ынтымақтастықты дамытуға өзара қызығушылықтың бары расталды.

Japan Organization for Metals and Energy Security (JOGMEC) — минералдық және энергетикалық ресурстарды тұрақты жеткізуді қамтамасыз ететін, сондай-ақ елдің ресурстық қауіпсіздігін нығайту мақсатында құрылған Жапонияның мемлекеттік ұйымы.