Токиода «Самұрық-Қазына» басшысы Нұрлан Жақыпов MUFG Bank басқарушы директоры Норио Каниэмен кездесті.

Кездесу барысында тараптар стратегиялық серіктестік перспективаларын талқылап, жобаларды қаржыландыру және іске асыру мәселелері бойынша пікір алмасты.

Кездесу қорытындысы бойынша тараптар ынтымақтастық туралы меморандумға қол қойды.

MUFG Bank (Mitsubishi UFJ Financial Group) – Жапонияның ірі банкі, әлемдегі жетекші қаржы корпорацияларының бірі саналатын Mitsubishi UFJ Financial Group тобының құрамына кіреді. MUFG Қордың стратегиялық маңызды жобаларына халықаралық қаржыландыру тартатын серіктестердің бірі.