Тараптар серіктестіктің перспективалы бағыттарын, оның ішінде «жасыл» энергетика саласындағы жобаларды ықтималды қаржыландыру мәселелерін талқылады. Сондай-ақ, топтың сатып алуларын жетілдіру мәселелерін қарастырды.

Еуропалық қайта құру және даму банкі «Самұрық-Қазына» қорының ұзақ жылдар бойғы серіктесі. Банк Қордың энергетика, тау-кен металлургия кешені, мұнай-газ саласы және логистика бағыттарындағы ірі жобаларына қатысады.

Қаржы институты Қордың сатып алу жүйесін халықаралық стандарттарға сай деп таныды. Қор — әлемде (Еуропалық Одақ елдерінен тыс) сатып алу жүйесі ЕҚҚДБ тарапынан ресми түрде мойындалған жалғыз құрылым.