Жиынға Rwanda Development Board басқарма төрағасы Жан-Ги Африка, Rwanda Mines, Petroleum and Gas Board басқарма төрағасы Алис Увасе, сондай-ақ Ngali Holdings Ltd басқарма төрағасы Жозеф Бутера қатысты.

Келіссөздерде тараптар тау-кен өндіру саласындағы ынтымақтастық мүмкіндіктерін және геологиялық барлау саласындағы бірлескен жобаларды дамытуды талқылады.

«Самұрық-Қазына» басшысы сөзінде Руанда президенті Пол Кагаменің 2025 жылғы Қазақстанға сапары екіжақты ынтымақтастықтың жаңа кезеңін ашқанын атап өтті.

Кездесу қорытындысы бойынша «Тау-Кен Самұрық» АҚ мен Ngali Holdings арасында негізгі шарттар туралы келісімге (Тerm Sheet) қол қойылды. Құжат Руанда аумағындағы сирек және сирек жер металдары кен орындарын бірлесіп игеруді көздейді.