Бүгін облыс орталығында спорт нысанының құрылыс капсуласын салу рәсімі өтті. Жалпы ауданы 2 мың шаршы метр болатын екі қабатты орталықта әртүрлі спорт түрлеріне арналған залдар, 100 көрерменге арналған трибуна, жаттығу залы, сондай-ақ қосалқы бөлмелер қарастырылған.

«Биыл осындай кешендер Арқалық, Қонаев және Семей қалаларында да салынады. Сонымен қатар, «Самұрық-Қазына» еліміздің бірқатар өңірінде инклюзивті спорт орталықтарын салу бастамасын жалғастыруда. Осындай алғашқы орталық биыл Ақтөбеде ашылды», – деді қордың басқарушы директоры Ғибрат Ауғанов.

Жобаны іске асыруға шамамен 1,6 млрд теңге бөлу жоспарланып отыр. Кешеннің құрылысы «Самұрық-Қазынаның» бірыңғай қайырымдылық операторы – «Samruk-Kazyna Trust» корпоративтік қоры арқылы қаржыландырылады.

Бүгінде компаниялар тобы атынан салынған 19 спорт кешені жұмыс істеп тұр, олар 700 мыңнан астам адамға спортпен шұғылдануға мүмкіндік береді.