«Самұрық-Қазына» басшысы, «Эйр Астана» АҚ Директорлар кеңесінің төрағасы Нұрлан Жақыповтың төрағалығымен компанияның Директорлар кеңесінің отырысы өтті.

Отырыста ұйымның қызметі мен дамуына қатысты негізгі мәселелер қаралды. Бірінші жартыжылдықта жалпы түсім мен өзге де кірістер 16,1%-ға өсіп, 763,9 млн долларды құрады. Жолаушылар ағыны 4,4 млн жолаушыға жетті.

Компания халықаралық бағыттар желісін, атап айтқанда Қытай, Үндістан, Еуропа және Орталық Азия елдеріне бағыттарды кеңейтуді жалғастырып жатыр.

«Эйр Астана» - түсім мен әуе флотының көлемі бойынша Орталық Азия және Кавказ өңіріндегі ең ірі әуе компанияларының тобы.