Экологиялық науқанға топтың 20-дан астам компаниясының қызметкерлері қатысты. Олардың қатарында «Қазақстан темір жолы», «Қазатомөнеркәсіп», «ҚазМұнайГаз», «Қазақтелеком», «Самұрық-Энерго», KEGOC, «Тау-Кен Самұрық», «Самұрық-Қазына Өңдеу» және басқа да ұйым өкілдері бар.

Әріптестер Желілік саябақ аумағын бірлесіп жинап, қоғамдық орындарды тазалады. Сенбілік «Таза Қазақстан» экологиялық бастамасы аясында өтті.

2026 жылдың басынан бері топ компаниялары 2 мыңнан астам экологиялық іс-шара өткізген, оның ішінде 960 сенбілік бар. 

Көгалдандыруға ерекше көңіл бөлінуде: биыл 5 млн-нан астам ағаш отырғызылды, ал экологиялық акциялар басталғалы бері топ 11 млн-нан астам көшет еккен. 

Сондай-ақ, сенбілік 20 қыркүйек пен 13 қазан аралығында «Самұрық-Қазына» тобында өтіп жатқан «Самұрықнама: 20 игі іс» акциясындағы іс-шаралардың бірі болды. 

Науқан қордың 20 жылдығына орай ұйымдастырылып отыр және ол әлеуметтік, экологиялық және қоғамға пайдалы бастамалар аясында қызметкерлерді біріктіреді.