«Қазатомпром» ҰАК» АҚ электронды голландтық аукционда «КТ Сирек металл компаниясы» БК» ЖШС 51% қатысу үлесін 17 250 469,21 теңгеге сатты.  

«КТ Сирек металл компаниясы» БК» ЖШС сирек ұшырасатын металдарды игерумен, сондай-ақ жаңғыртылатын энергия көздері саласындағы жобалармен айналысады. Алматы қаласында орналасқан. Компанияның 49 % акциясы "Toshiba" корпорациясының үлесінде.

«КТ Сирек металл компаниясы» БК» ЖШС 51% қатысу үлесін сату бойынша, 2016 жылғы 18 қарашаға, 21 желтоқсанға жоспарланған аукциондар бағасы жоғарылатылған және төмендетілген аукциондар бастапқы сауда-саттық кезінде 2-ден кем қатысушы тіркелуіне байланысты өтпей қалған болатын.