Бүгін «Самұрық-Қазына» АҚ басшылығының құрамында Германия Сыртқы істер министрлігінің, Германия экономикасының шығыс комитетінің, Орталық Азиядағы Германия экономикасы өкілдігінің, «GP Günter Papenburg AG», «Lufthansa», «Knauf Gruppe», «Svevind Energy» және «Goldbeck» компанияларының басшылығы бар неміс делегациясымен кездесуі өтті .

Кездесуге сондай-ақ «Возрождение» қазақстандық немістер қоғамы» қоғамдық қорының төрағасы, мәжілісмен Альберт Рау, сондай-ақ Қазақстанның ГФР-дағы Елшілігінің өкілдері қатысты.

Тараптар Транскаспий көлік бағытын дамыту, минералды шикізатты өндіру және өңдеу, жасыл технологиялар, шағын және орта тонналық химия және т. б. сияқты жаңа бағыттар бойынша қалыптасқан екіжақты қатынастардың жоғары деңгейін және экономикалық ынтымақтастықты дамыту перспективаларын атап өтті.

«Біздің ынтымақтастығымызға жаңа бағыттарды, соның ішінде көлік және логистика салаларын дамытуға ерекше мән беріледі. Сіздің сапарыңыз біздің ынтымақтастығымызды нығайтуға айтарлықтай серпін береді деп ойлаймыз. Қор бірлескен жобаларда серіктес және бірлескен инвестор болуға дайын», - деп атап өтті Қор басшысы.